--Ads--
Awan ti holiday break para ken ni Presidente Ferdinand Marcos Jr ita a Paskua ta agtultuloy latta ti trabahona.
Segun ken ni Palace Press Officer Atty. Claire Castro, agbalin a busy ti presidente bayat nga umadani ti paskua ta adalenna ti enrolled copy ti national budget para iti sumaruno a tawen no maidanonton iti opisinana ti enrolled bill.
Narikut ti schedule ti presidente ken saanna a kayat ti reenacted budget isu a manamnama a mapuyatanto manen kadagiti sumaruno nga aldaw.
Kayat pay ni Marcos a naurnos ken nadalus ti budget inton sumaruno a tawen isu nga adalen ken tingitingenna ti enrolled bill no ipatulodton ti Kongreso daytoy iti opisinana.
-- ADVERTISEMENT --
