Dinutokan ni President Ferdinand Marcos Jr. ni Migrant Workers Undersecretary Patricia Yvonne Caunan a baro nga administrator ti Overseas Workers Welfare Administration a kasukat ni Arnell Ignacio.
Nagsapata ni Caunan iti sangwanan ni Migrant Workers Secretary Hans Leo Cacdac.
Sakbay iti pannakadutokna ket nagserbi ni Caunan nga undersecretary for Policy and International Cooperation ti DMW manipod August 2022 agingga iti agdama.
Iti panagakemna nga undersecretary ket nakatulong ni Caunan iti negosasyon ken panagpirma iti sangapulo ket lima a bilateral labor migration agreements manipod idi 2022.
Dagiti tulagan ket gagem a mapainget ti proteksyon ken pagsayaatan dagiti Overseas Filipino Workers kadagiti pagilian ti Canada, Australia, Saudi Arabia, Qatar, Finland, Denmark, Singapore, Croatia, Slovenia ken Kuwait.
