--Ads--
VIGAN CITY– Nainget ti pammilin iti baro a regional director ti Philippine National Police Office Region 1 inaig iti kampanya kontra ti indiscriminate firing ken stray bullet iti isasangbay iti baro sa tawen.
Segun kenni Chief Supt. Romulo Sapitula, regional director ti PRO-1 , no lumaban dagiti suspek iti stray bullet ket patayen da a kas kadagiti lumaban a drug personalities.
-- ADVERTISEMENT --
Kalaksidanna, karaman pay kadagiti mandato na ket no adda matamaan iti naiwawa a bala, baente kuatro oras iti pawayway dagiti pulis kangrunaan dagiti chief of police a solbaren ti kaso ken makemmeg dagiti suspek.
Inpangta ni Sapitula a no saan a masolbar iti las-od iti baente kuatro oras ket adda iti kaibatugan a pannusa dagiti pulis.
