--Ads--
Nagpanawagan ni House Speaker Faustino “Bojie” Dy III ita a Pride Month a maaddaan iti maysa a kagimungan nga addaan iti patas a dignidad, respeto, ken oportunidad para kadagiti amin a Pilipino nga awan ti mapadasanda a diskriminasion.
Iti maysa a video message, pinasingkedan ni Dy a marambakan ita a bulan ti kinatured ti panagbalin a napudno iti bagi ken ipalagipna a ti kada tao ket adda napateg nga akemna iti kagimungan.
Innayonna nga ania man ti nagtaudan, pammati wenno pakabigbigan ti maysa a tao, saan daytoy a rason iti panangtagibassit wenno diskriminasion.
Patienna a ti panangdayaw iti dignidad ti tao ket maysa a karbengan ti amin ken saan a prebilehio ti manmano laeng.
-- ADVERTISEMENT --
