--Ads--
Pinasingkedan ti Malakanyang nga adda iti Senado ti desision iti voting threshold para iti conviction iti impeachment case ken saan a bibiangan daytoy ti Malakanyang.
Segun ken ni Palace Press Officer Usec. Claire Castro, nakatulong ti panangdengngeg kadagiti amicus curiae tapno manayonan ti ammo dagiti senador iti patangan ti threshold.
Impaganetget ni Castro a ti balikas dagiti dati a mahistrado ket opinion ken kapannotan a mabalin a makatulong iti panagdesision ti Senado.
Kunana a nasken nga agpannuray iti desision ti kinapudno, kinapatas ken hustisia.
-- ADVERTISEMENT --
