Pastrek dagiti mannalon iti intero a pagilian, manamnama a ngumato gapu iti EO 100

Natalek ni Bukidnon 2^nd District Rep. Jonathan Keith Flores a ngumato ti pastrek dagiti mannalon ita a tawen ken kadagiti sumarsaruno pay a tawen gapu iti Executive Order No 100 a pinirmaan ni President Ferdinand Bongbong Marcos Jr.

Segun ken ni Flores, ikkan ti EO 100 iti legal a pagibasaran ti Department of Agriculture tapno ituding ti presio ti magatang nga irik kadagiti mannalon iti intero a pagilian.

Gapu iti EO ket agbalin a 17 agingga 23 pesos ti base price ti irik a mabalin a gatangen ti gobierno manipud kadagiti mannalon.

Mangnamnama ti kongresista a magun-od ti gagem ti nasao a pammilin nangruna ta ti kasukatna ket ti pannakaiparit iti panagangkat iti bagas ken pannakaipatungpal ti price cap iti imported rice.