Immatendar ni Kingdom of Jesus Christ (KOJC) Pastor Apollo Quiboloy iti Senate hearing ita nga aldaw, mainaig iti alegasion ti human trafficking ken sexual abuse kontra kenkuana.
Daytoy ket kalpasan nga immanamong ti Pasig City Regional Trial Court Branch 159 a palubosan ni Quiboloy nga umatendar iti hearing ti Senate Committee on Women, Children, Family Relations and Gender Equality.
Maipalagip nga idi October 14, nangipatulod ni Senator Risa Hontiveros iti korte no sadino kiniddawna a mapalubosan ni Quiboloy nga umatendar iti hearing.
Kadua ti pastor ti hearing dagiti padana nga akusado.
Kabayatanna, inlibak ni Apollo Quiboloy dagiti pammabasol dagiti saksi kontra kenkuana, a kunana a saanda a biktima ti sexual abuse babaen ti panangusar iti relihion.
Karit ti televangelist, sungbatanna ida iti umno a Korte isu a rumbeng nga ag-file dagiti biktima ti kaso kontra kenkuana.
Segun pay ti pastor, saan a pudno nga agpalpalimos kadagiti kameng ti KOJC, ken awan ti kinapudno ti pangto-torture, kasta met ti makunkuna a ‘dry fast’ a saggaysa nga imbaga dagiti biktima iti Senado.
Nagkedked met a simmungbat ti pastor a simmungbat idi napagsaludsodan no adda polisiana iti forced marriage gapu ta addan iti kaso para iti nasao a banag.
Innayonna pay a ‘naimbento’ laeng dagiti makunkuna nga ‘Angels of Death’.
