--Ads--
Pinasingkedan ni Bicol Saro Rep. Terry Ridon a miembro ti House Committee on Foreign Affairs a saan a mabalin a kellaat lattan a kanselaren ti Department of Foreign Affairs (DFA) ti passport ni dati nga Ako Bicol Party-list Rep. Zaldy Co nga awan iti court order.
Ti sarita ni Ridon ket kalpasan ti impaganetget ni Rep. Toby Tiangco a kayat ket adda iti wagas iti DFA tapno kanselaren ti passport ni Co.
Inlawlawag ni Ridon a ti kayat a mapasamak ni Tiangco ket awan iti konstitusyon ken awan iti Passport Act.
Kinunana a maibasar iti linteg ket rumbeng a makasoan pay ni Co sakbay a maproseso iti panangkanselar ti passport-na.
-- ADVERTISEMENT --
