VIGAN CITY- Maisayangkat iti passport on wheels babaen ti provincial government iti pannakikinnammayet da ti Department of Foreign Affairs.
Ti pre-registration ket inton June 20 agingga June 23 idiay Ilocos Sur Provincial Capitol ket dagiti umuna a dua ribo nga aplikante iti alaen ken akomodaren da.
Kasapulan iti pre-registration ta awan iti maawat a walk-in applicant kabayatan iti processing inton July 12 agingga July 13 idiay Baluarte Function Hall.
Ipaay ti passport on wheels iti serbisyo kadagiti first time applicants, dagiti menor de edad ken dagiti agirenew ti passport da.
Dagiti kasapulan dagiti nataengan nga aplikante ket application form, personal appearance, original a PSA birth certificate , marriage contract para kadagiti naasawaan ken valid a government ID idinto a dagiti agrenew ket kasapulan da ti application form, personal appearance, agdama a passport, orihinal a marriage contract, annotated birth certificate , death certificate ti asawa no natayen ken annotated marriage contract kadagiti naasawaan.
