Inbasura ti Pasig court ti kiddaw ti kampo ni Kingdom of Jesus Christ (KOJC) founder a ni Apollo Quiboloy a hospital arrest.
Segun ti legal counsel ni Quiboloy a ni Atty. Israelito Torreon, mabalinda ti mangipila iti motion for consideration kalpasan ti desision ti korte.
Nangipila ti motion ti kampo ni Quiboloy iti Pasig City Regional Trial Court (RTC) Branch 159 para iti hospital arrest ken ni Quiboloy ken ti kaduana nga akusado a ni Ingrid Canada idi Setiembre.
Inrason ti kampo ni Quiboloy nga addaan dagiti dua iti agdama a medical conditions ken marigatanda iti custodial facility.
Iti agdama, nakabalud ni Quiboloy iti Philippine National Police Custodial Center iti uneg ti Camp Crame idinto a karaman ni Canada kadagiti co-respondents a naiyakar iti Pasig City Jail.
