Nagpanawagan ni Bagong Henerasyon Party-list Rep. Robert Nazal nga ilatang iti cyber-security ken digital infrastructure ti paset iti naikkat a P255 billion a pondo para iti flood control projects.
Dayta iti kiddaw ni Nazal kalpasan a kinumpirmaran ti Department of Information and Communications Technology (DICT) ti 1.4 million a panagpanggep idi kallabes tapno i-hack dagiti website iti gobierno.
Karaman kadagiti napanggep nga i-hack dagiti website ti Anti-Red Tape Authority (ARTA), DICT, Bureau of Customs (BOC), Department of Economy, Planning and Development (DEPDev) ken dadduma pay a lokal a gobierno.
Impaganetget ni Nazal a napateg nga agbalin a natalged ti digital infrastructure iti pagilian tapno masalakniban dagiti government platforms kas ti eGov Super App.
Innayonna a rumbeng a masigurado a ti DICT ket addaan iti umanay a resources ken manpower wenno kameng tapno masigurado ti seguridad iti intero nga eGov ecosystem.
