Agtaltalinaed a sibubukel ti suportar iti mangidadaulo iti partido iti kamara ken ni President Ferdinand Marcos Jr.
Dayta iti sinigurado dagiti party leader kalpasan a nangiruar iti tallo a video ni dati a Cong. Elizaldy Co ket intudona ni President Marcos a nangibilin ti pannakaisingit iti 2025 national budget ti 100 billion pesos a gatad dagiti proyekto.
Impaganetget ni House Deputy Speaker Ronaldo Puno a Chairman iti National Unity Party, nalawag nga imbento laeng iti istorya ni Co ken saan a nakapapati.
Kinarit met ni Rep. Kristine Singson Meehan ti Nationalist People’s Coalition ni Co nga agawid iti pagilian ken agsapata kadagiti sarsaritaenna ken dumalan iti husto a proseso iti imbestigasyon.
Impaganetget met ni Rep. Ferdinand Hernandez ti Partido Federal ng Pilipinas a puro hearsey wenno sao-sao laeng iti statements ni Co ken awan met iti wagas tapno ma-authenticate ti video tapno mausar nga ebidensya.
Kinuna pay ni Deputy Majority Leader Rep. Zia Alonto Adiong iti Lakas-CMD a tapno maaddaan ti kredibilidad ti expose ni Co ket rumbeng a maadal ken sapataanna ken agbalin nga open iti cross examination.
