VIGAN CITY – Saan a nagballigi iti patangan ti pamilya dagiti naaksidente idiay Brgy. Battog, Sinait idi alas dose kinse iti tingnga iti rabii idi October 28.
Dagiti karaman iti nasao nga aksidente ket ni Kyle Eugene Dane Garcia nga agtawen ti sangapulo ket siyam nga agnaed idiay Number 263 Barangay 28, Prieto Street, Laoag City, Ilocos Norte ken kurong-kurong a minaneho ni Alex Ibuos.
Maipalagip a ti nasao nga aksidente ket natay ni Ibuos gapu kadagiti dunor a sinagaba na.
Segun ti Sinait PNP nga idaulwan ni Police Captain Bryan Tacazon, nadakamat na a nabaliwan iti aldaw ti panagpapatang iti nagbaetan iti pamilya ti driver ti kurong kurong ken ti Toyota fortuner ta saan a makadesisyon iti asawa ti biktima.
Agsipud iti dayta, naituding inton Huwebes, October 31 iti panagpapatang manen dagiti pamilya iti nairaman iti nasao nga aksidente.
