Parol ti Candon City, napili a mangibagi iti probinsia para ti Nationwide Parol Making Contest ti Malakanyang

VIGAN CITY – Napili ti parol ti siudad ti Candon a mangibagi iti probinsia para ti Nationwide Parol Making Contest nga inyuswat ti Malakanyang.

Sakbay ti panangiyanunsyo iti nangabak, immunan a nangiyuswat ti provincial government ti pasalip a naglalaban dagiti nadumaduma nga ili ken siudad iti probinsia nga adda temana nga “Isang Bituin, Isang Mithiin.”

Naaramid ti parol ti Candon iti nagduduma nga indigenous materials ken mula dagiti mannalon  ket kangrunaan a naaramat ti kamen nga isu ti kangrunaan a produkto ti probinsia, nadekoraran iti nadumaduma  a bukel kas iti mais, utong, bugbugayyong, ken balatong nga isu ti kangrunaan a masarakan kadagiti remote areas ti siudad.

Adda pay pandan leaves-na ken nakorte a kas pamaypay wenno paid.