VIGAN CITY – Parikut iti kuarta ti mapapati a rason no apay a nagpakamatay ni Arnel Pimentel Balad, agtawen ti uppat a pulo, kameng ti CAFGU ken agnaed idiay Brgy Cabaroan, San Emilio a nasarakan ti bangkayna a nakaipisuk iti drum a napunno ti danum iti uneg ti pagtaenganda ken mapapati pay nga imminom ti insecticide.
Ingunam-gunam ni Police Lt. Joel Dazargo, hepe ti San Emilio municipal police station, a ti pannaki-uman da ti asawa ti biktima, nadakamat na a manu a bulanen a madmadlaw na a saan a maun-uni ti biktima nu agdut-duty ken diretso iti panagbarbartekna.
Naduktalan a maikapamindua a daras a ginandatti biktima a kettelen iti bukodna a biyag ken naibaga na ken ti asawa na a nakapsuten iti bagina isu a saannan a kabaelan pay a biagen ti pamilya da.
Ti agdama ket mayur-uray iti resulta ti pannaka-autopsy ti bangkay ti biktima tapno maduktalan no adda iti foul play ti pannakatayna wennu awan.
