Indaulwan ni Papal Nuncio to the Philippines Charles Brown ti Rite of Elevation ti pangbalin a Minor Basilica ti Our Lady of the Assumption Church iti ili ti Sta. Maria.
Kagiddan dayta ti kapiestaan ti nasantoan a Birhen Maria wenno ti solemnidad ti yuulina sadi langit.
Dinar-ayan daytoy dagiti obispo ken padi iti Simbaan Katolika, agraman dagiti opisial ti gobierno.
Iti nagbalin a mensahe ni Papal Nuncio Brown, pakaragsakanna a maimatangan daytoy a naisangsangayan nga okasyon.
Kinunana a maysa nga special honor ti panagbalin a Minor Basilica ti Simbaan isu a nagyaman iti naawatna nga imbitasyon.
Maipalagip nga innaganan idi ni Pope Francis ti Sanctuary of Our Lady of the Assumption Church iti ili ti Sta. Maria kas Minor Basilica nga isu ti maikaduan ditoy probinsia kalpasan a maideklarar idi February 16, 2022 ti simbaan ti St. Nicolas de Tolentino and Shrine of Sto. Cristo Milagroso de Sinait.
