Makikamkammayet ti Presidential Anti-Organized Crime Commission iti nadumaduma nga ahensia ti gobierno tapno maparmek dagiti iligal nga online gambling iti pagilian.
Segun ken ni PAOCC Executive Director Usec Gilbert Cruz, im-imbestigaranda no adda dagiti kaso ti panagabuso wenno pamutbuteng kas kadagiti online lending scheme ken no adda dagiti kaso ti money laundering kas kadagiti Philippine Offshore Gaming Operations wenno POGO.
Ipasada kadagiti agpampanday-linteg ti resulta ti panagadal mainaig iti panangpainget wenno pannakaiparit ti online gambling iti pagilian.
Maipalagip a nadumaduma a gakat ti impila dagiti agpampandaylinteg a ti gagemna ket iregulate wenno permanenten nga iparit ti online gambling gapu kadagiti adu a maigamgamer iti sugal.
