VIGAN CITY – Ad-adalen ti Vigan City government ti pannusa kadagiti aglabsing iti 14 day – home quarantine nga inyulog ti Ilocos Sur provincial government a suroten dagiti agawid nga umay makipagrambak iti paskua kadua ti pamiliada.
Iti pannaki-uman ti Bombo Radyo Vigan, adda ti local ordinance ken national law a pagibasaranda tapno ipakat ti pannusa kadagiti nasukir nga agawid a residente.
Gapu ti dayta, impaganetget ni Medina kadagiti residente nga agbalinda a responsable ken agtalinaedda pay laeng iti pagtaenganda iti sangapulo ket uppat nga aldaw sakbayda a rumuar ta dagiti kabbalayda ket maibilang a person under monitoring.
Pinasingkedan ti mayor nga awan ti mangbantay a health personnel kadakuada kas ti maar-aramid kadagiti quarantine facility isu a kiddawenda nga iti maikawlo nga aldawda manen ket agpatest da tapno masigurado ti kinatalgedda ta inyarig ti mayor ti baro a kaso ti Pagudpud a nagpatest idiay Sinait border ket ngeatibo iti Covid19 isu nga idi nakasangpet idiay Pagudpud, nagquarantine ngem nagpositibo iti maikawalo nga aldaw.
