VIGAN CITY – Impaganetget ni Agriculture Secretary William Dar iti dua nga aldaw a panagbisitana iti Ilocos region a kasapulan ti pannakitinnulong ti ahensia iti local level tapno mapagballigi dagiti proyekto a maipatungpal.
Iti panagsaritana idiay Sta. Maria bayat ti seromonya ti panangiyawat dagiti nadumaduma nga agricultural inputs ken makinaria, imbinsa-binsana dagiti planona iti sektor agrikultura ditoy rehion kas ti panangpatibker iti produksyon ti kalding, niog, ken itlog.
Malaksid ti dayta, kayatda pay a ma-revitalize iti sea urchin industry pakairamanen ti bangus ken tilapia hatchery babaen ti Ilocos Sur Polytechnic State College, Philippine Coconut Authority, Bureau of Fisheries and Aquatic Resources, Provincial Government of Ilocos Sur, ken dadduma pay a stakeholders.
Bimmisita ti opisial ditoy probinsia tapno kitaen dagiti maipatpatungpal a proyekto ti DA iti ili ti Sta. Maria, San Juan, ken Caoayan.
