--Ads--
Ikonkonsidera ti Department of Agriculture nga yatiddug ti import ban iti bagas.
Kasaruno dayta ti innem a pulo nga aldaw a suspensyon iti panagangkat iti bagas a mangrugi inton September 1 ita a tawen a ti gagemna ket masalwadan dagiti mannalon iti nalaka a presyo ti irik.
Segun ken ni DA Secretary Francisco Tiu Laurel Jr., ad-adalenda a manayonan iti maysa a bulan tapno agbalin a 90 days ti import ban.
Gagem ti plano a mailung-aw ti sektor ti agrikultura ken dagiti mannalon manipud iti epekto dagiti naglabas a didigra ditoy pagilian. Impasigurado ti opisial a tutukan ti DA ti sitwasyon ket tulonganda dagiti mannalon a maapektaran iti bagyo wenno Low Pressure Area
-- ADVERTISEMENT --
