Naragsak iti pamilia ni Prudencio Calubid Jr. gapu iti pannakawaya-wayana kalpasan a naduktalan ti Court of Appeals a madi ti pannakakemmegna ta nagkamalianda a lider ti New People’s Army ken consultant iti National Democratic Front of the Philippines.
Iti pannaki-uman ti Bombo Radyo Vigan ken ni Analyn Calubid a putot ni Prudencio Jr., pakaragsakanna a makadua ken maaywanandan ti amada nga agtawen iti walopulo ket maysa a masaksakit kalpasan a naibalud iti innem a bulan ta nagkamalian dagiti polis a kinemmeg idi December 7, 2024 idiay Olongapo City.
Patien ni Analyn a nagkuartaan laeng dagiti kameng ti Philippine National Police (PNP) ken Criminal Investigation and Detection Group (CIDG) ti amana ta maysa a Prudencio Calubid iti masapsapul manipod pay 2006 ket adda iti reward a P7.8 million ti makaitudo iti ayanna.
Gapu dayta, uray ammo dagiti kameng ti CIDG nga inosente ti amana ket kinemmegda latta.
Impaganetget ni Analyn nga awan ti madi a record ti amana iti animan a kaso isu a napalaus ti pungtotda idi kinnemmegda nga awan pulos iti naaramidanda.
Imbingayna a napalaus ti panangkiddaw ti amana nga ilabanna isuna ta awan iti nagbasolanna isu a saan a nagsardeng ni Analyn ket immasig iti Public Attorney’s Office pakairamanan iti National Union of People’s Lawyers ken ti rights group a Karapatan isu a nawaya-wayaan.
VIDEO – ANALYN CALUBID
