Dua ti nadangran iti pannakauram ti maysa a paggasolinaan idiay Barangay Nagpanaoan, Santa, Ilocos Sur.
Nabigbig dagiti biktima a da Roderick Alvares Armandico, agtawen iti limapulo ket maysa, owner ti RJR Gas Station Structural ken maysa nga agtawen iti sangapulo ket dua nga agpada nga agnaed iti nasao a lugar.
Iti pannaki-uman ti Bombo Radyo Vigan ken ni Senior Fire Officer IV Eric Quilana, Municipal Fire Marshal iti ili ti Santa, mapapati nga adda spillage of gasoline ket gapu ta nadadael ti dati a solar nga ar-aramatenda, adda naaramid nga extension line a mapapati a nagtaudan ti panagil-ayab ti apoy.
Dagus met a nagresponde ti Santa Bureau of Fire Protection idi maidanon kadakuada ti napasamak nga uram ket nagpaot iti pito a minutos ti pannakadepdepna.
Nagsagaba iti bassit a dunor dagiti biktima a naipaagas iti Metro Vigan Cooperative Hospital, Bantay para iti naan-anay a pannakatamingna.
Mapatta-patta met a PHP800,000 ti gatad ti nauram nga establisimiento.
