--Ads--
Lima a pasahero ti natay idinto a 284 ti naisalakan manipud iti nauram a ferry KM III Barcelona iti kabaybayan ti Sulawesi, Indonesia.
Segun iti Indonesian Navy, natalged a naipanaw dagiti naglugan iti barko a nauram idinto a dagiti dadduma a pasahero ket timpuak iti kabaybayan a nakasuot iti lifejacket tapno makalisi iti uram.
Nangisayangkat iti joint rescue operation ti Navy, Maritime Security Agency (Bakamla), ken dagiti lokal a search and rescue teams.
Saan pay a natakuatan no ania ti rason ti pannakauram ti barko.
-- ADVERTISEMENT --
