Pannakatukbob ti motorsiklo iti maysa a mountain bicycle, nakadunoran dagiti nagmaneho

VIGAN CITY – Naipaagas iti ospital dagiti dua a drayber gapu ti pannakadundunorda iti napasamak nga aksidente idiay Barangay San Clemente, Magsingal.

Nabigbig ti nagmaneho iti Yamaha NMAX 155 a ni Johnray Bernardo Soriano Unciano, agtawen iti duapulo ket walo, taga-Barangay Bacar, Magsingal.

Ti met nagmaneho iti mountain bicycle ket ni Mariano Arnedo Andres, agtawen iti uppat a pulo ket dua, agnaed iti Panay, Norte, iti nasao met laeng nga ili.

Basar kadagiti nakakita, agpada nga agpapa-abagatan dagiti dua a lugan a ti Yamaha NMAX ket adda iti inner lane idinto nga adda met iti outer lane ti mountain bicycle.

Napan ti NMAX iti outer lane ket natukbobna ti mountain bicycle.

Nupay kasta, natakuatan a dagiti drayber ket nakainomda iti arak.