Lima ti nadunor iti pannakatukbob ti motorsiklo iti kurong-kurong iti national highway idiay Barangay Catayagan, Sta. Lucia, Ilocos Sur.
Nabigbig ti drayber iti Honda Click 125 motorcycle nga agtawen iti tallopulo ket tallo, seafarer, taga-Barangay Parioc Primero, Candon City.
Ti met drayber iti kurong-kurong ket agtawen iti uppat a pulo ket innem, taga-Barangay San Jose, Candon City.
Inluganna ti agtawen iti uppat a pulo ket walo, taga-Urdaneta, Pangasinan; agtawen iti limapulo, taga-San Jose, Candon City; ken ti agtawen iti uppat a pulo ket uppat, taga-Barangay Paras, Candon City.
Maibasar iti CCTV footage, agpapa-amianan ti kurong-kurong, ket idi madanon na ti nakapasamakan ti aksidente, dimteng ti napaspas ti patarayna a motorsiklo ket natukbobna ti motorsiklo.
Naipaagas dagiti karaman iti aksidente ket natakuatan a nakainom ti drayber ti motorsiklo.
