Dua ti nadangran iti pannakatukbob ti motorsiklo iti kurong kurong idiay along national highway, sakupen ti Barangay San Antonio ili ti Narvacan.
Ti kurong kurong ket minaneho ti maysa a mannalon, agtawen iti innem a pulo ket lima, residente ti Barangay Naguneg East Narvacan Ilocos Sur, awan ti driver’s license-na.
Ti met driver ti motorsiklo ket lalaki nga agtawen iti duapulo ket lima, residente ti Barangay Silag, Santa Maria, Ilocos Sur.
Basar ti imbestigasyon, agpada nga agpapa-amianan a direksion dagii dua a lugan, idi madanon da ti nakapasamakan ti insidente, nagmenor ti kurong-kurong tapno agpakannigid ngem natukbob isuna ti naka-motorsiklo.
Nagsagaba dagiti dua a drayber ti dunor iti agduduma a paset ti bagi da ken dagus da a naitaray iti balay pagagasan para ti naan-anay a pannakataming da.
