VIGAN CITY – Awan ti napakaroan iti napasamak nga aksidente idiay Brgy Dan-ar, Santiago, Ilocos Sur a nakairamanan ti Toyota Fortuner ken mini dump truck.
Nabigbig ti nagmaneho iti Toyota Fortuner a ni Lilybeth Bautista, agtawen iti uppat a pulo ket innem, doktor a taga Brgy Pob. Sur, Sta Maria idinto a drayber ti Fuso mini dump truk ket ni Gary Verceles, agtawen iti tallopulo ket walo, taga Brgy Labut Norte, Santa.
Iti pannaki-uman ti Bombo Radyo Vigan ken ni PMAJ. HENRY GARCIA, agpada nga agpapa-amianan dagiti dua a lugan idi natukbob ti dump truck ti SUV ta nagpalya ti prenona.
Innayonna nga adda ti linisyan ti truck a simrek iti highway ket saanna a nadlaw nga adda nakasardeng nga SUV.
Saan a naan-ano dagiti dua a drayber ngem ti pasahero ti Fortuner a da Salome Rambano, agtawen iti walopulo ket maysa ken Nenita Galao, agtawen iti pitopulo ket siam nga agpada a taga-Brgy Ayudante, Candon ket naipan iti ospital para iti pannakatamingda.
