VIGAN CITY – Dua ti nadunor iti pannakatukbob ti bus iti kasinsinnarunona a motorsiklo idiay Barangay Jordan, Sinait.
Nabigbig ti nagmaneho ti motorsiklo a ni Jerson Ibadua Agaloos, agtawen iti tallopulo ket tallo, awanan iti driver’s license ken mapapati a nakainom iti arak.
Ti backrider-na ket ni Redelyn Salviejo Agaloos, agtawen iti tallopulo ket uppat, agpada nga awan ti suotda nga helmet ken agnaed iti Barangay 8, Caraitan, Badoc, Ilocos Norte.
Kabayatanna, ti nagmaneho iti bus ket ni Arnel Cabuyadao Domingo, agtawen iti uppat a pulo ket innem, agnaed iti Barangay 22, Nagbacalan, Paoay, Ilocos Norte idinto a ti konduktorna ket Geovanni Tagatac Acevedo, agtawen iti uppat a pulo ket lima, taga-Barangay Dacal, Sanchez, Cagayan.
Agpapa-amianan a direksyon ti motorsiklo idin ta nagriri ti drayber ken ti backrider-na ket saan a nakontrol ti drayber ti manibela ti luganna isu a naguyasda iti kalsada ket natukbob met ida ti sumarsaruno a bus.
Gapu dayta, nadunor ti nadumaduma a paset ti bagi ti drayber ken backrider ti motorsiklo idinto a saan a naan-ano ti drayber ken konduktor ti bus.
