VIGAN CITY – Awan ti foul play iti pannakatay ti maysa a lalaki a naglaslas iti pulsona idiay Bagani Gabor, Candon City kas pinasingkedan ni Police Lt. Col. David Dulnuan, hepe ti Candon City Police Station.
Nabigbig ti biktima a ni David Reyes Dela Cruz, agtawen ti pitopulo ket dua nga agnaed iti Brgy. Allangigan 2nd iti nasao a siudad ken mapapati nga adda iti pakarikutanna iti pamiliana.
Iti pannaki-uman ti Bombo Radyo Vigan kenni Dulnuan, nasarakan ti maysa nga ubing ti bangkay ti biktima nga adda iti siruk ti kayo ti lungboy nga adda iti nakaro a dunor iti imana.
Gapu iti dayta, impakaammoda kadagiti barangay tanod ken insigida met iti panagrespondeda kadua dagiti pannakabagi ti linteg ket naitaray iti ospital ngem naideklaran a dead on arrival.
Naala iti nakapasamakan ti krimen ti maysa a kutsilyo nga inaramat ti biktima a nagpakamatay a ti rukodna ket 12 inches.
