VIGAN CITY – Awan ti foul play ti pannakatay ni Jerry Ballalio Mohamad, agtawen iti limapulo, agnaed idiay Barangay Dan-ar, Santiago, Ilocos Sur kalpasan a nasarakan a natay iti pagnanaedanna idi April 26, 2024.
Iti pannaki-uman ti Bombo Radyo Vigan ken ni Police Major Henry Garcia manipod Santiago Municipal Police Station, inreport ti ikit ni Mohamad a ni Herminia Ballalio Dela Cruz ti pannakakitana ti bangkay idi binisitana iti pagtaenganda.
Segun ken ni Garcia, nasdaaw ni Dela Cruz ta saan a napan dimmawat ti kanakanna ti taraon iti pagtaenganda iti uneg ti tallo nga aldaw isu a napan iti pagnanaedan ni Mohammed ket isun ti pannakakitana a natay.
Nasarakan laengen ni Dela Cruz ti biktima a maag-agnasen ta tallo nga aldawen manipod natay.
Naamoan a ni Dela Cruz ti mangkitkita ti biktima nga adda mental illness na ta natayen ti amana idinto a ti ina ken kabsatna ket napanda idiay Mindanao.
VIDEO – POLICE MAJOR HENRY GARCIA
