Pannakatay ti maysa a lalaki iti ili ti San Esteban, madukduktalan no pudno a na-hit and run

VIGAN CITY – Kitkitaen pay laeng dagiti pannakabagi ti linteg noi agpayso nga adda nakadungpar wenno maibilang a self vehicular accident ti napasamak a Hit and Run iti ili ti San Esteban a nakatayan ni Deejay Peralta, agtawen iti duapulo ket maysa a taga-San Nicolas.

Iti pannakiuman ti Bombo Radyo Vigan ken ni Plt.Arnold Calzado ti San Esteban PNP, awan ti nakaimatang nga adda ti nakadungpar Iti biktima ngem kinitadan dagiti CCTV a mabalin a pagnaan ti mapapati a nakadungpar ngem awan iti nakitada.

Maipalagip a ti biktima ket nasarakan nga awan ti puotnan iti highway ken nagsagaba iti injury ti ulona.

Naipaagas iti Ilocos Sur District Hoispital Narvacan ngem naideklarar a dead on arrival.