VIGAN CITY – Dead on arrival iti balay pagagasan ti maysa nga opisial iti San Vicente ta pinaltugan dagiti saan pay a nabigbig a suspek a nagkalubbon iti motorsiklo.
Iti pannaki-uman ti Bombo Radyo Vigan ken ni PLt. Roland Villaluz iti San Vicente Police Station, manarimaan iti panagdalus da Brgy. Kagawad Jerson Rugnao, agtawen ti uppat a pulo ket lima, negosyante a taga Brgy San Sebastian idi pinaltugan dagiti suspek iti nasao a barangay.
Maibasar iti imbestigasyon ket narekobreda iti siam a basyo iti mapapati a cal.45 iti nakapasamakan ti krimen idinto nga innem ti tama ti bala ti paltog ti biktima.
Pinasingkedan pay ti hepe a saan pay a nagsarita ti pamilia ti biktima inaig iti nasao a pasamak.
Kabayatanna, dagiti suspek a nakamotorsiklo ket naka sweat shirt iti kulay black, pantaloon, naka-face mask ken naka-helmet.
