VIGAN CITY– Patien ti pamilya ni Edgar Agpalo ,agtawen ti 55 , naasawaan , mannalon ken taga Sitio Mandulong , Brgy. Cabaroan, San Esteban nga awan ti foul play iti pannakatay ti biktima ta patien da a kinumpayh na a mismo ti karabukob ken barokong na a poon ti nakatayanna.
Segun kenni PC/Insp. Agosto Cabello, hepe ti San Esteban municipal police station, adda ti problema ti panagpanpanonot ti biktima ket sakbay a natay, namindwan a ginandat na ti agpakamatay babaen ti panagtumar ti nadumaduma a klase ti agas ken panagbekkel.
Maipalagip a bangkayen idi nakita ni Janine Agpalo ti uliteg na iti uneg ti pagtaengan da nga adda ti donor ti tengged ken barokong na ket adda iti kumpay ti abay na.
Inaig iti dayta ket binalakadan ni Cabello dagiti umili a no adda ti kabagyan ken kaam-ammo da nga adda problema ti panagpanpanonot na ket kapatang ken tulungan ida wenno ipakita iti doktor tapno saan a kumaro iti sitwasyon da a resulta iti panangdangran da iti bagi da ken panagpakamatay.
