VIGAN CITY – Awan ti foul play ti pannakatay ti lalaki a nasarakan a tumtumpaw iti Abra River idiay Banaoang, Bantay, Ilocos Sur.
Iti pannaki-uman ti Bombo Radyo Vigan ken ni Police Major Pol Areola a hepe ti Bantay Municipal Police Station, maibasar iti CCTV footage nga ala idi March 16, 2024 iti alas onse dies iti rabii ket nakita a nagturong iti rangtay ti nasao a lalaki a nagnagna idin nagtaltalinaed iti sumagmamano a minuto agingga timpak a rason ti pannakalmesna.
Segun ken ni Areola, agtultuloy latta ti panangipanawaganda kadagiti addaan ti mapukpukaw a kameng ti pamiliada a mapan kitaen ti bangkay ta amangan nu isun ti sapsapulenda ta agingga ita ket awan pay nangbigbig ti kinataona.
Ti nasao a bangkay ket 5’8 ti katayagna, kalalaingan ti pammagina, nakasuot iti gray Tshirt, blue a jogging pants ken blue a rubber shoes.
AUDIO – PMAJ POL AREOLA
