VIGAN CITY– Awan ti foul play iti pannakatay ni Francisca Pablo, agtawen ti 73 a bangkayen idi nakita da idiay Don Alejandro Quirolgico ,Caoayan idi naminsan nga aldaw, kas maibasar iti resulta ti otopsiya ti bangkay na.
Segun kenni PS/Insp. Frederico Artates, hepe ti Caoayan municipal police station, awan ti nakita da a sign of injury iti bangkay ti biktima ket natay daytoy gapu iti highblood pressure.
Babaen iti resulta ti otopsiya , kinuna ni Artates nga awanen ti rason tapno mapabasol ti anak na nga adda diperensya ti panagpanpanonot na a ni Juth Pablo, agtawen iti 46 nga isu ti nangpapatay iti ina uray no kadagiti napalabas ket mapapati a kabkabilen na ti ina na.
Maipalagip nga idi Setyembre 6 ti bigat ket nasarakan ti bangkay ti biktima iti karootan a paset iti nasao a barangay babaen iti maysa a barangay tanod a napan nagpastol ti taraken na a kalding.
