--Ads--
VIGAN CITY – Agtultuloy ti imbestigasyon dagiti kameng ti Sta. Catalina Police Station inaig ti traysikel a mapapati a natakaw idiay Brgy. Cabaroan.
Segun ken ni Police Lt. Marcus Rafanan, napan nagpinta ti pantsong ti akinkukua ti traysikel a ni Melchor Ragasa, agtawen ti tallo pulo ket walo, construction worker ken agnaed idiay Brgy. Cabittaogan ket imbatina ti luganna iti sangwanan ti gate ti kamposanto ket nakaikabil iti side pocket ti lugan ti tulbek.
Idi nagsubli ni Ragasa iti nangiparkinganna ti traysikel ta agawid kuman a mapan mangaldaw, awanen ti traysikel na ket patien na nga intaray ti saan pay a nabigbig a suspek.
Kitkitaen dagiti pulis nu adda dagiti posible a CCTV camera iti lugar a makatulong iti imbestigasyonda.
-- ADVERTISEMENT --
