VIGAN CITY – Insayangkat ti Committee on Public Safety and Peace and Order ti taripnong inaig iti agsasaruno nga aksidente iti Diversion Road, Liberation Boulevard, Brgy. San Julian Sur, Vigan.
Kaddua ni Committee on Public Safety and Peace and Order Chairman Sanggunian Panglungsod Member Evaristo “Bobit” Singson III ken Vice Chairman SPM Nestor Pajaro ken dadduma pay a konsehal ti siudad a Vigan ta maikkan solusyon dagiti mapaspasamak nga aksidente iti nasao a kalsada kadagiti naglabas nga aldaw.
Dimmanon iti konsehe ti nasao a banag ta naobserbaran nga adda dagiti naaksidente a motorista bayat iti panagdalyasatda iti lugar.
Insigida a nagtignay ti committee on public safety and peace order a nangikabil ti road sign tapno aganannad dagiti motorsita.
