Umaboten iti innem a tattao iti natay ken adu iti mapukpukaw iti nakaru a pannakarpuog iti basura idiay Binaliw Landfill.
Mapatta-patta a limapulo a sanitation workers iti nagaburan idi January 8 idi narpuog iti basura manipod iti ngato a mapatta-patta a katukad ti duapulo a kadsaraan iti pribado a landfill a patpatarayen ti Prime Integrated Waste Solutions.
Agtultuloy iti operasyon dagiti otoridad ket nagaramatdan iti nadadagsen a makinarya pakairamanan ti backhoe tapno kalien dagiti nagaburan.
Segun ken ni Cebu rescuer Jo Reyes, agtultuloy iti operasyon ngem maisardeng no aggaraw ti landfill.
Naammoan a ti Binaliw landfill ket agproproseso iti nasurok-kumurang 1,000 a tonelada iti basura iti kada aldaw ken aserserbi idiay Cebu City ken kaasidegna a lugar.
