Pannakaputed ti mabagbagi makaited ti peggad ti salun-at segun ti maysa a Surgeon

VIGAN CITY – Makaited ti peggad iti salun-at iti inaramid ti biktima a nangputed ti mabagbagina idiay ili ti Sta. Cruz kas kinuna ti maysa a surgeon.

Iti pannaki-uman ti Bombo Radyo Vigan kenni Dr. Nino Realin, posible nga agkakomplikasyon ti napasamak ti biktima inton masangwanan ken kasapulanna ti surgical correction nu masullatan ti pagdalanan ti isbona.

Mabalin a maidalan ti Microvascular Surgery ti biktima ngem ladingiten ni Realin a saan a kabaelan dagiti eksperto ditoy lokalidad ti proseso.

Innayon ti doktor nga iti pannakasugat ti mabagbagi nu maimpeksyon ket mangitunda ti periphlebitis wenno inflammation ti bungon ti urat wenno tissues iti aglawlawna ken no naputed a naipuon ti mabagbagi ti maysa a tao ket narigaten a maisubli.