--Ads--
VIGAN CITY–Saan a kanunungan ni Sen. Antonio Trillanes IV iti plano ni Presidente Rodrigo Duterte a maitantan manen iti maikadua a gundaway iti pannakaisayangkat iti barangay ken sangguniang kabataan eleksyon ket mangpili laengen iti agtugaw kas kapitan iti barangay.
Segun kenni Sen. Trillanes, babaen iti pannakiuman-uman ti Bombo radyo Vigan kenkuana, iti laksid a saan a mapalubusan daytoy iti Konstitusyon iti pagilian, saan a masigurado nu dagiti mapili ni Presidente Duterte a kapitan ket ipangruna da iti pannakaipaay iti serbisyo kadagiti idaulwan da.
Inpatangken na a saan a mabalin a maitantan iti nasao nga eleksyon tapnu masigurado iti presidente a kakadua na amin dagiti kapitan iti barangay iti intero a pagilian.
