VIGAN CITY – Adda ti dua a lead a sursuruten ti Magsingal municipal police station inaig iti pannakapapatay ni Randy Canaoay nga agtawen ti tallo pulo ket walo nga agnaed idiay Poblacion Sur, Sta. Maria a naikamang idiay Barangay Caraisan, Magsingal a napaltugan idi ala una y media idi malem idi kalman, January 2 idiay Barangay Barbarit, Magsingal.
Aglugan kuman ti bus nga agpa-abagatan ti biktima ta agawid idiay Sta. Maria idi adda ti dua a nakamotorsiklo a lallaki a nangpaltog kenkuana a poon iti nakatayan na a kas pinasingkedan ni Police Captain Mark Lagman, hepe ti Magsingal municipal police station iti pannaki-uman kenkuana ti Bombo Radyo Vigan.
Nagsagaba ti maysa a tama iti mapapati a caliber 45 a paltog iti tiyan ken dua a tama iti akin-kannigid a bakrangna ti biktima a poon iti nakatayan na iti laksid a naitaray idiay Ilocos Sur District Hospital- Magsingal.
Awan ti police record ti biktima idiay Magsingal PNP ken Sta. Maria PNP kasta pay a nasayaat iti pannakilangen na kadagiti nakaikamangan na.
