VIGAN CITY – Im-imbestigaran dagiti pannakabagi ti linteg ti napasamak a pammaltog idiay Brgy. San Jose a nakatayan ni Sammy Balangat, agtawen ti uppat a pulo ket pito, maysa a mekaniko nga agnaed idiay San Clemente, Magsingal.
Ti biktima ket dati a drug surrenderee, kadua na ti asawa na ngem mapapati a nagsubli da iti iligal nga aramid.
Ti pannaki-uman ti Bombo Radyo Vigan ken ni Pcapt. Arcadio Viloria, hepe ti Narvacan municipal police station, agin-inana iti uneg ti luganna ti biktima ta maturog koman idi nalpas a nag-home service ti maysa a pagtaengan iti asideg ti basketball court idiay Barangay San Jose idi adda dagiti nakamotorsiklo a suspek a nangpaltog kenkuana a naglibas a nagpa-amyanan kalpasan iti krimen.
Nagsagaba iti tama ti paltog ti pingping ti biktima a naitaray iti kaasitgan nga ospital ngem naideklarar a dead on arrival.
