--Ads--
Ad-adalen ti Philippine National Police (PNP) nu adda kainaigan ti pannakatay ni dati a Philippine Charity Sweepstakes Office (PCSO) Board Secretary Wesley Barayuga ken Tanauan City Mayor Antonio Halili.
Segun ken ni PNP PIO Chief PBGen. Jean Fajardo, kitkitaendan ti posibilidad a maymaysa laeng a grupo iti nangaramid iti pammapatay kadagiti dua nga opisyal.
Rimmuar iti panagdenggeg ti Kamara nga agpapada a polis iti nainaig iti krimen.
Nupay kasta, kinuna ni Fajardo a saanna a kayat nga unaan iti agtultuloy nga imbestigasyon ta maibilang dayta a sensational cases.
-- ADVERTISEMENT --
Ipaiman ti PNP iti Criminal Investigation and Detection Group (CIDG) iti imbestigasyon ti kaso tapno maamwan dagiti nainaig wenno akin-utek iti krimen.
