VIGAN CITY – Dead on arrival ti maysa a babai kalpasan a napaltogan ti namin-ano a daras idiay Barangay Cabaroan, Magsingal, Ilocos Sur.
Nabigbig ti biktima a ni Flordelisa Serrano Urubio, agtawen ti uppat a pulo ket siam ken agnaed ti Barangay San Clemente ti nasao met laeng nga ili.
Ti pannakipapatang ti Bombo Radyo Vigan kenni PLt. Rodel Ragasa, mangidaulo ti PNP Magsingal, agaw-awid ti biktima a naggapu ti nasao barangay idin pinaltogan dagiti saan pay nabigbig a suspek.
Nakarekubre dagiti pannakabagi ti linteg ti tallo a basyo ti mapapati a caliber 45 ken nagsagaba ti biktima ti tallo a tama ti paltog.
Inaig kadayta, manarimaan pay laeng ti imbestigasyon dagiti pannakabagi ti integ ken amamoenda nu ania ti motibo dagiti suspek nu apay a pinatayda ti biktima. – MJC
