Pabor ti Chairman ti Teachers Dignity Coalition a ni Benjo Basas a paingetan ti qualifications para kadagiti maiserrek nga agbalin a school principal.
Dayta ket kalpasan iti kabaroan nga evaluation ti Second Congressional Commission on Education iti education sector a nasurok 24,000 a public schools iti intero a pagilian ti agkurang iti kwalipikado a principal gapu iti nababa a passing rate kadagiti exam a kasapulan para iti nasao a posisyon ken hiring policy ti DepEd a maibilang nga outdated.
Iti pannaki-uman ti Bombo Radyo Vigan kenni Basas, napateg ken dakkel ti akem ti maysa a school principal ta isuda ti agserbi kas school manager, finances, ken makaamo ti assignment ken designation dagiti teachers isu a nasken a mapili a nasayaat no sino dagiti deserving ti nasao a puesto.
Kabayatanna, kinontra na met ti nagbalin nga evaluation ti panagadal, ta adu dagiti nakapasa ti qualifying examination for school heads kangrunaan idi 2023.
Ngem no man pay kasta, saan a sigurado ni Basas no ag-match ti needs ken supply ti principal position, kangrunaan kadagiti entry level.
