Napagnunumuan da University of Northern Philippines President Dr. Erwin Cadorna kaduana dagiti kapadana a Presidente iti Region 1 ken Commision on Higher Education Commisioner Prospero De Vera a mabalin a mapaatiddog iti school year iti makabulan kalpasan iti pannakaikkat iti enhanced community quarantine.
Dayta ket maibasar iti CHED Advisory No. 6 Series of 2020 a pannakapaatiddog iti school year ngem saanen a masapol pay iti panagturong iti pagadalan dagiti agad-adal.
Segun kenni Dr. Cadorna, apaman iti general community quarantine ket adda kadagiti mangisursuron iti diskarte no kasano iti panagisuroda kadagiti agad-adal iti unibersidad ta mabalinda nga aramiden babaen iti panagtext, panag-mail, panagvideo call wenno correspondence education tapno mapagtalinaed iti kalidad iti edukasyon kadakuada.
Kabayatanna, inyunay-unay pay ti presidente a rumbeng a maipasa amin a requirements nga ipapasa dagiti mangisursuro ta maikkanda iti makabulan ket gudua wenno inton bulan iti Mayo agingga inton June 15 tapno ileppasda iti requirements da.
