Imbilin ni Bureau of Immigration Commissioner Joel Anthony Viado kadagiti BI personnel a nakadeploy kadagiti seaport ken airport a kitaen da businessman Charlie “Atong” Ang, actress Gretchen Barretto, retired Lt. Gen. Jonnel Estomo ken limapulo pay a sabali mainaig ti manarimaan nga imbestigasyon kadagiti napukaw a mannadi.
Ti pammilin ni Viado ket kalpasan nga inruar ti Department of Justice (DOJ) ti Immigration Lookout Bulletin Order (ILBO) kontra kadakuada.
Segun ken ni BI Spokesperson Dana Sandoval, sinurot ni Viado ti bilin ti DOJ uray saanda pay a naawat iti official copy iti ILBO, isu a monitorenda ti domestic ken foreign travel iti person under investigation.
Dagiti nagan a naipan iti Immigration Lookout Bulletin Order ket maibasar iti listaan nga inted ni whistleblower Julie “Dondon” Patidongan, nga iti agdama ket adda iti witness protection program iti DOJ.
Maipalagip nga impakaammo ni Patidongan nga amin a mapukpukaw a mannadi ket naipan iti bangkayda iti Taal Lake a gappuanan iti panagsapul dagiti otoridad.
