VIGAN CITY – Kiddaw ti Provincial Quarantine Office iti pannakitinnulong dagiti umili inaig iti illegal a panagipastrek kadagiti karne wenno frozen products iti probinsia.
Iti pannakipapatang ti Bombo Radyo Vigan ken ni Ogie Arañas, focal person iti Provincial Quarantine Office, nupay adda dagiti nakadeploy a kamengda para iti panag-inspect ken monitor ket saan nga amin ket makitada isu a nu makita wenno madlaw a maikaniwas ti araramiden dagiti sumsumrek iti probinsia ket ipakaammo laeng kadakuada.
Segun ken ni Arañas, ti laeng frsh pork ken frozen a longanisa ken bagnet iti maiserserrek isu nga aniaman a makita ket posible a kontrabandon dayta.
Uray kasano kainget iti panagmonitorda ket adu latta dagiti makalusot isu a masapul a nu adda iti impormasyon ket maireport kadakuada.
VOICE OF OGIE ARAÑAS
Kabayatanna, pinasingkedan pay ni Arañas nga awan iti agdama ti kaso ti African Swine Fever iti probinsia kasaruno dagiti agwarwaras a damag inaig iti pannakairekord manen ti nasao a kaso a banag a pakaalarmaan ti kaaduan.
Segun ken ni Arañas, saan a rumbeng a patien dagiti nasao a damag ta butbutngen laeng iti bagi kangrunaan dagiti umili nga agtartaraken.
Nupay kasta ket dakkel pay ti epekto ti panawaras ti madi a damag ta posible a marigatan dagiti hog raiser gapu iti pananglaklakada laengen ti panaggatang ti tarakenda.
