Pannakaiwayat ti Barangay and Sangguniang Kabataan Elections 2023 iti Ilocos Sur, nagbalin a generally peaceful

VIGAN CITY – Pinasingkedan ni Ilocos Sur Provincial Election Supervisor III Atty Ericson Oganiza a generally peaceful wenno nakapia ti pannakaiwayat ti Barangay and Sangguniang Kabataan Elections 2023 idi kalman ditoy probinsia.

Iti pannaki-uman ti Bombo Radyo Vigan ken ni Atty. Oganiza, adda laeng dagiti nagturturong iti opisinada a botante a mangidatag kadagiti concern da kas kadagiti saanda a mabirukan ti naganda iti listaan.

Inlawlawag met ni Oganiza a dagiti awan ti naganna iti listaan ket dagiti double ti records da isu a talaga a saanda a makabotos.

Nupay kasta, maibalbalakad kadagitoy a no adda manen a maangay a registration of voters ket umayda tapno masimpa ti records da.