VIGAN CITY – Marugian inton umay a bulan ti pannakaiwaras ti lima ribo a pisos a rice subsidy para kadagiti mannalon iti pagilian.
Dayta ket segun ken ni Senador Imee Marcos iti panagturongna iti probinsia tapno dar-ayan ti inagurasyon ti baro a Candon Arena ken ti groundbreaking ti baro nga interregional road ken bridge iti ili ti Quirino.
Segun ken ni Sen. Marcos, ti rice subsidy ket paset ti financial assistance iti salinong ti Rice Competitiveness Enhancement Fund wenno RCEF nga umabot iti lima ribo a pisos ti maawat ti tunggal mannalon.
Nupay kasta, kiddaw ni Marcos kadagiti local government units nga yupdate ti listaan dagiti mannalon tapno mabigbig dagiti benepisyaryo.
Malaksid dayta, impasiguradona a matutukan ti pannakaited ti ayuda kadagiti mannalon ken mangngalap iti pagilian.
Nagyaman met ti senador ken ni Governor Jerry Singson ken kadagiti dadduma pay nga opisial a dimmar-ay iti event iti nabara a panangawatda iti isasangbay ti senador.
